AZERLAND Məhdud Məsuliyyətli Cəmiyyəti 2023-cü ildə təsis olunmuş və fəaliyyətini aqrar sektor — kənd təsərrüfatı sahəsində qurmuş dinamik və inkişaf yönümlü bir şirkətdir. Şirkətin əsas fəaliyyət istiqaməti kənd təsərrüfatı məhsullarının idxalı, topdan və pərakəndə satışı, eləcə də fermerlərin müasir və effektiv həllərlə təmin edilməsidir.

Azerland MMC bazara yüksək keyfiyyətli gübrə, toxum və pestisid məhsulları təqdim etməklə yanaşı, fermerlərin məhsuldarlığını artırmaq və daha dayanıqlı kənd təsərrüfatı sisteminin formalaşmasına dəstək göstərməyi qarşısına məqsəd qoymuşdur.

Şirkət qlobal aqrar sənayenin aparıcı nümayəndələri ilə əməkdaşlıq edir. Bu çərçivədə Corteva Agriscience və onun dünyaca məşhur Pioneer (Hi-Bred) brendi ilə tərəfdaşlıq edərək, yüksək məhsuldarlığa malik qarğıdalı və günəbaxan hibrid toxumlarını Azərbaycana idxal edir.

Bununla yanaşı, Azerland İspaniyanın Orange International şirkətinin istehsalı olan innovativ gel gübrələrini, həmçinin Rusiyanın FosAgro şirkətinə məxsus məhsulları ölkə bazarına təqdim edir. Xüsusilə, Apatit zavodunda (FosAgro) istehsal olunan Apaliqua NP 11:37 ЖКУ maye kompleks azot-fosfor gübrəsi şirkətin əsas məhsul portfelində yer alır və artıq bir neçə ildir ki, yerli fermerlər tərəfindən geniş tətbiq olunur.

Azerland MMC eyni zamanda Rusiyanın qabaqcıl toxumçuluq institutları ilə əməkdaşlıq edərək, yüksək keyfiyyətli Super Elit, Elit və R1 kateqoriyalı buğda və arpa toxumlarını idxal edir və fermerlərin istifadəsinə təqdim edir. Bu toxumlar yüksək cücərmə qabiliyyəti, xəstəliklərə davamlılığı və məhsuldarlıq potensialı ilə seçilir.

Şirkətin əsas üstünlüklərindən biri yalnız məhsul satışı ilə kifayətlənməməsi, eyni zamanda fermerlərə aqronomik dəstək, düzgün tətbiq texnologiyaları və müasir yanaşmalar təqdim etməsidir. Azerland müştərilərinin ehtiyaclarını dərindən analiz edərək, hər bir təsərrüfat üçün fərdi yanaşma tətbiq edir.

Gələcək planlar çərçivəsində Azerland MMC beynəlxalq əməkdaşlıqları daha da genişləndirməyi, məhsul çeşidini artırmağı və Azərbaycanda aqrar sektorun inkişafına töhfə verən innovativ layihələri həyata keçirməyi hədəfləyir.