Qarğıdalının mineral qidalanması bitkinin bütün məhsuldarlıq potensialını reallaşdırması üçün fundamental əhəmiyyət kəsb edir. Qida maddəsi çatışmazlığının vizual simptomlarının erkən müəyyən edilməsi, vegetasiya dövrü ərzində gübrələmə idarəçiliyinin effektivliyini artırır.
Vizual simptomlar aşkar şəkildə görünməyə başladıqda, bitki artıq məhsuldarlıq potensialında müəyyən itkilərə məruz qalmış olur. Bu səbəbdən, əkin sahəsinin davamlı monitorinqi, yarpaq və torpaq analizləri ilə birlikdə, üst gübrələmə (yemləmə) və ya yarpaqdan tətbiqlər (mikrogübrələmə) kimi daha dəqiq müdaxilələrə imkan verir. Bu isə öz növbəsində itkiləri azaldır və bitkinin inkişaf göstəricilərini yaxşılaşdırır.
Yarpaqlarda: Xloroz (saralma) yarpaq ucundan başlayır və yarpaq ayasının ortasına doğru "V" şəlli zolaq yaradaraq irəliləyir. Şiddətli çatışmazlıq hallarında aşağı yarpaqların ümumi saralması və nekrozu müşahidə olunur.
Qıçalarda: Zülal miqdarının azlığına görə qıçalar kiçik və yüngül olur. Qıça ucundakı dənlərin tam inkişaf etməməsi nəticəsində qıça "siqar" forması alır.
Yarpaqlarda: Xüsusilə V2-V12 inkişaf mərhələlərində olan bitkilərdə yarpaqlar antosian toplanması səbəbindən bənövşəyi-qırmızı rəng alır. Bu simptom tez-tez bitkinin inkişafdan qalması ilə qarışdırıla bilər.
Qıçalarda: Qıçalar kiçik, tez-tez əyilmiş (deformasiyaya uğramış) və dənləri zəif inkişaf etmiş olur. Bu hal tozlanma və dənə dolumu problemləri ilə birbaşa bağlıdır.
Yarpaqlarda: Aşağı pillə yarpaqlarının uc hissələrində və kənarlarında "yanıq bənzəri" nekroz (toxuma ölümü) və saralma şəklində özünü büruzə verir.
Qıçalarda: Qıçanın uc hissəsində dənə sayı az olur. Dənlər sərbəst yerləşir, qıça oxu üzərində sıx və yığcam formalı olmur.
Sahənizdə vaxtında aparılan müşahidə və düzgün mineral qidalanma proqramı ilə məhsul itkisinin qarşısını ala bilərsiniz.
EN
RU